آڪاش درشنو

آڪاش درشني جو بنيادي مقصد

آڪاش درشنو جو بنيادي مقصد ڪو خاص ڪئلينڊر جوڙڻ نہ، پر اهڙو سائنسي سرشتو تيار ڪرڻ آهي، جيڪو سنڌو سنبت ۽ ٻين وقتي سرشتن کي فلڪياتي حسابن، ناسا/جي پي ايل حوالن ۽ Swiss Ephemeris ڀيٽ سان پرکي. هي سرشتو شاگردن، محققن ۽ فلڪيات جي شوقينن لاءِ سج، چنڊ ۽ گرھن جي حرڪت، تاريخي شاهدي ۽ تازه انگن اکرن کي هڪ هنڌ پيش ڪري ٿو.

سنڌو سنبت، سج، چنڊ ۽ آسماني مشاهدا

عام ڪئلينڊر يا عام فلڪياتي ويب سائيٽ کان فرق

عام ڪئلينڊر رڳو تاريخون ٻڌائيندو آهي. آڪاش درشنو تاريخن کي گريگورين ۽ هجري سرشتن سان ڀيٽڻ سان گڏ سج، چنڊ، گرھ، گرھڻ، موسمن، پھرن ۽ آسماني حرڪتن جا فلڪياتي حساب بہ پيش ڪري ٿو. هي سرشتو رڳو نتيجو نہ، پر نتيجي جو حوالو، سائنسي حيثيت، تازگي ۽ تصديقي پسمنظر بہ ڏيکاري ٿو.

علمي ۽ تحقيقي مقصد

پليٽفارم ۾ فلڪيات جي شاگردن ۽ محققن لاءِ اهڙو تحقيقي بنياد رکيو ويو آهي، جتي اهي وقت، هنڌ ۽ تاريخ سان لاڳاپيل حساب ڪري فلڪي حرڪتن جو مشاهدو ڪري سگهن ٿا. مستقبل ۾ سنڌ جي لوڪ ڏاھپ، سنڌي مھينن، موسمن، پھرن ۽ تاريخي تجربن کي بہ حوالن ۽ سائنسي جاچ سان گڏ محفوظ ڪرڻ مقصد آهي.

• سنڌي ٻوليءَ ۾ سائنسي بنيادن تي فلڪياتي رسدگاھ
• سنڌو سنبت جي فلڪي تصديقن جو مرڪز
• ناسا ۽ جي پي ايل حوالن جو استعمال
• Swiss Ephemeris reference comparison
• تاريخي شاهدين جي evidence-based validation
• Open public astronomical APIs

مختصر سوال ۽ جواب